टीकापुर, असार १३

कैलालीको दक्षिणी भजनी नगरपालिकास्थित कान्द्रा नदीमा एक महिला बेपत्ता भएकी छन् ।

भजनी नगरपालिका वडा नं. ५ की ४० वर्षीया रीमा डगौराले लालबोझीस्थित कान्द्रा नदीमा बेपत्ता भएकी हुन् ।

उनले आइतवार साढे ७ बजेको समयमा नदीमा हाम फालेकी थिइन् । प्रहरीका अनुसार नदीमा हाम फालेर बेपत्ता भएकी भन्दै उनका आफन्तले प्रहरीमा खबर गरेका थिए ।

डगौराको खोजी कार्य भइरहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीले बताए ।