एमाले कार्यकर्ताले सरकारी गाडीका चाबी खोसे
टीकापुर, असार ८
कैलालीको धनगढीमा पेट्रोलियम पदार्थको मुल्य वृद्धिको विरोध गर्दै नेकपा एमालेका कार्यकर्ताहरुले सरकारी गाडीका चाबी खोसेका छन् ।
नेकपा एमाले सम्बद्ध अनेरास्ववियु र राष्ट्रिय युवा संघ नेपालले आज बिहान १० बजेदेखि साँझ ५ बजेसम्म सरकारी सवारी साधन सञ्चालनमा अवरोध गरेका हुन् ।
युवाहरूले आन्दोलनका कार्यक्रम अन्तरगत सरकारी सवारीसाधन चलाएर कार्यालय जाने कर्मचारीहरूलाई ठाउँ-ठाउँमा रोकेर चावी खोसिदिएका छन् ।
धनगढीको एलएन चोकमा धनगढी उपमहानगरपालिका, प्रदेशसभा सचिवालय, पूर्वाधार विकास मन्त्रालयका गाडि र २५ वटा सरकारी मोटरसाइकल नियन्त्रणमा लिइएको राष्ट्रिय युवा संघ धनगढी नगर किमिटी संयोजक अविशेक नाथले बताए ।
नियन्त्रणमा लिइएका सवारीसाधन पाँच बजेपछि मात्र छाडिने उनले बताए ।
प्रकाशित मिति: मंगलबार, असार ७, २०७९ २२:०६
प्रतिक्रिया दिनुहोस्
थप समाचार
साताको लोकप्रीय
