टीकापुर, असार ६

हिजो राति कैलालीको चिसापानी पुलमा एक ट्रकमा आगजनी भएको छ । जिल्ला प्रहरी कार्यालय कैलालीका अनुसार राति साढे ११ बजेको समयमा लम्कीचुहा नगरपालिका वडा नं. ३ चिसापानीस्थित कणर्ाली पुलमा ना ७ ख ६३२५ नम्बरको ट्रकमा आगजनी भएको हो ।

चुरे गाउँपालिका वडा नं. ३ सुनारीका चालक ३५ वर्षीय रमेश शाहले पुलको बिच भागमा ट्रकलाई तेर्सो बनाई टायरमा पेट्रोलजन्य पदार्थ प्रयोग गरी आगो लगाएको जिल्ला प्रहरी कार्यालय कैलालीले जनाएको छ । आगो तत्कालै नियन्त्रणमा लिइएको र टायरहरुमा क्षति पुगेको बताइएको छ ।

चालकलाई ट्रकमा आगो लगाई सोही पुलमुनी लुकीछिपी बसिरहेको अवस्थामा फेला पारी नियन्त्रणमा लिइएको कार्यालयका प्रवक्ता प्रहरी नायब उपरीक्षक वेदप्रकाश जोशीले बताए । उनलाई आवश्यक कारबाहीका लागि इलाका प्रहरी कार्यालय लम्की पठाइएको छ ।