टीकापुर, जेठ ३१

कैलालीको दक्षिणी क्षेत्रबाट कैलाली प्रहरीले लागुऔषधसहित दुई जनालाई पक्राउ गरेको छ ।

सोमबार राति जिल्लाको भजनी नगरपालिका वडा नं. ६ बाट बर्दगोरिया गाउँपालिका वडा नं. ४ का २६ वर्षीय दिनेश ठकुल्ला र २५ वर्षीय यमराज शाही पक्राउ परेको जिल्ला प्रहरी कार्यालय कैलालीले जनाएको छ ।

ठकुल्लाले चलाएको सुपप्र ०१००१० प ६७२८ नम्बरको मोटरसाइकलमा सवार उनीहरुलाई चेकजाँच गर्दा १५ ग्राम ५ शय ०० मिलिग्राम खैरो हिरोइन फेला परेको प्रहरीले जनाएको छ ।

पक्राउ परेका दुवैमाथि थप अनुसन्धान भइरहेको छ ।