टीकापुर, जेठ २८

कैलालीमा ठूलो हावाहुरीसहित वर्षा शुरु भएको छ ।

केही दिनदेखि बढेको अत्यधिक गर्मीपछि टीकापुरसहित कैलालीमा हावाहुरीसहित वर्षा शुरु भएको हो । यस्तै अत्तरियामा पनि पानी परिरहेको छ ।

पश्चिमी वायु सक्रिय रहेको हुँदा कैलाली लगायतका तराईका विभिन्न जिल्लाहरुमा पानी पर्न शुरु भएको हो । मौसम पुर्वानुमान महाशाखाका अनुसार सुदूरपश्चिममा मनसुन सक्रिय भएको छ ।

पानी परेसँगै केही दिनदेखिको गर्मीबाट राहत मिलेको स्थानीय राजेश देवलले बताए ।

गर्मीका कारण यस क्षेत्रका अधिकांश विद्यालयहरुको पठनपाठन बन्द भएको थियो ।