टीकापुर, जेठ २३

जिल्लाको मध्यवर्ती घोडाघोडीमा महिलालाई आक्रमण गर्ने चितुवालाई नियन्त्रणमा लिइएको छ । बर्दिया राष्ट्रिय निकुञ्जबाट आएको टोलीले घाइते चितुवालाई नियन्त्रणमा लिएको हो ।

डिभिजन वन कार्यालय पहलमानपुरका प्रमुख गोकुल रिजालका अनुसार चितुवाको खुट्टा र ढाडमा चोट लागेको र पुनःस्थापनाका लागि बर्दिया राष्ट्रिय निकुञ्ज पठाइएको छ ।

जिल्लाको घोडाघोडी नगरपालिकाको लठुवा सामुदायिक वनमा घाँस काट्ने क्रममा वडा नम्बर-८ लठुवाकी ५४ वर्षीया विष्णा बोहरालाई चितुवाले आक्रमण गरेको थियो ।

बोहराको घोडाघोडी अस्पतालमा उपचार भइरहेको छ ।