टीकापुर, जेठ १८

कैलालीको जानकी गाउँपालिकामा नागरिक उन्मुक्ति पार्टीले एक्लौटी रुपमा कार्यपालिका सदस्य चयन गरेको छ ।

नौवटा वडा रहेको जानकीमा नगर प्रमुख, उपप्रमुखसहित पाँच वडा जितेको नागरिक उन्मुक्तिले कार्यपालिकाका छ वटै सदस्य एक्लौटी रुपमा चयन गरेको हो ।

चार जना निर्वाचित सदस्य र दुई बाहिरबाट गरी छ जना कार्यपालिका सदस्यहरुका लागि नागरिक उन्मुक्तिको मात्रै उम्मेदवारी परेको थियो ।

निर्वाचन समितिले दिएको जानकारी अनुसार कार्यपालका सदस्यमा लक्ष्मी चौधरी, पवित्रा विश्वकर्मा, पार्वतीदेवी डगौरा थारु, इन्द्रा सोप वि.क., नरबहादुर कुमाल क्षेत्री र राधा भुल निर्वाचित भएका छन् ।