टीकापुर, जेठ १५

धनगढी उपमहानगरपालिका-३ स्थित मोहना नदीमा डुबेर दुई बालकको मृत्यु भएको छ ।

मृत्यु हुनेमा सोही वडाका १० वर्षीय अनुप चौधरी र १२ वर्षीय विष्णु गुप्ता रहेको जिल्ला प्रहरी कार्यालयका प्रहरी नायब उपरीक्षक बेदप्रकाश जोशीले जानकारी दिएका छन्।

चटकपुर-राजघाट जोड्ने पुलको मुनतिर नदीमा नुहाउने क्रममा डुबेर दुवै बालकको मृत्यु भएको हो।

दुवैजनाको शव पोस्टमार्टमका लागि सेती प्रादेशिक अस्पतालमा राखिएको छ।