टीकापुर, जेठ १३

कैलालीको बर्दगोरिया गाउँपालिकाको मुडा बजारमा भारतीय कारले मोटरसाइकललाई ठक्कर दिँदा एकजना घाइते भएका छन् ।

जिल्लाको बर्दगोरिया गाउँपालिकाको मुडा बजारमा भारतीय कार यूपी ३१ एक्यू ९२९२ नम्बरको कारले सुपप्र ०१ ००९ प ८९४२ मोटरसाइकललाई ठक्कर दिएको हो ।

दुर्घटनामा मोटरसाइकल चालक घोडाघोडी नगरपालिका वडा नम्बर ८ बस्ने ३१ वर्षीय शिवराज बुढा घाइते भएको प्रदेश ट्राफिक प्रहरी कार्यालय अत्तरियाले जनाएको छ ।

घाइतेको उपचार घोडाघोडी अस्पतालमा भइरहेको प्रहरीले बताएको छ । कार र चालक प्रहरीको नियन्त्रणमा रहेको छ ।