लम्की, जेठ ९

कैलालीको लम्कीचुहा नगरपालिकाका नव निर्वाचित नगर प्रमुख सुशिला शाहीले तीनवटा निणर्य गर्दै पदभार ग्रहण गरेकी छन् ।

पदभार ग्रहण गर्दै शाहीले आर्थिक वर्ष ०७९/०८० भित्र सुकुम्बासीलाई लालपुर्जा वितरण गरिसक्ने, पूर्वपश्चिम राजमार्ग र नगरका विभिन्न चोकमा सडकबत्ती सहितको सिसि क्यामेरा जडान गर्ने र नगरभित्र छोरीको जन्म भए प्रोत्साहन स्वरुप २ हजार रुपैयाँ भत्ता उपलब्ध गराउने निणर्य गरेकी छन् ।

नगर प्रमुख शाही र उपप्रमुख जुना चौधरीलाई नगरपालिकाका कर्मचारीहरुले स्वागत गरेका थिए । कर्मचारीलाई सेवाग्रहीको काम छिटोछरितो सम्पन्न गर्न शाहीले निर्देशन दिएकी छन् ।

नगर प्रमुख शाहीले बैद्धिक विधि अनुसार पदभार ग्रहण गरेकी हुन् ।