टीकापुर, जेठ ९
टीकापुर रिक्रियशन सेन्टर पुनः सञ्चालनमा आएको छ । कोरोना संक्रमण फैलिएपछि भएको लकडाउनका कारण केही समय बन्द रहेको सेन्टर नयाँ व्यवस्थापनका साथ पुनः सञ्चालनमा आएको हो ।

सेन्टरमा बासका लागि सुविधा सम्पन्न कोठा, विभिन्न परिकारका साथमा पारिवारिक वातावरणको रेस्टुरेन्ट, सभा समारोहका लागि हल, स्विमिङ, जिम लगायतका सुविधा रहेका छन ।

केही समय बन्द रहेको सेन्टरलाई काठमाण्डौंका किरण केसी र शिवशंकर मिश्राले संयुक्त रुपमा पुनः सञ्चालनमा ल्याएका छन । उनीहरुले सेन्टरमा झण्डै पौने चार करोड लगानी गरेको बताए ।

टीकापुर नगरपालिका वडा नं. १ गुम्बारोडस्थित सेन्टरमा थप सेवा सुविधा थप्दै जाने सञ्चालक मध्येका केसीले जानकारी दिए ।