टीकापुर, बैशाख ३०
स्थानीय तहमा नेतृत्व चयनका लागि मतदान शुरु भएको छ । आज विहान ७ बजेदेखि विभिन्न मतदान केन्द्रमा मतदान शुरु भएको हो ।

टीकापुर नगरपालिकाका विभिन्न १६ वटा मतदान केन्द्रका ५७ वटा मतदान स्थलहरुमा मतदान शुरु भएको छ । मतदानका लागि मतदाताहरु विहानैदेखि लाइनमा लागेका छन् ।
टीकापुर नगरपालिकामा ५२ हजार ८ शय ७२ मतदाता रहेका छन् । स्थानीय तहको निर्वाचनका लागि नेपाली काँग्रेस, नेकपा माओवादी केन्द्र, नेकपा एकीकृत समाजवादीसहितको गठबन्धन, नेकपा एमाले, जनता समाजवादी पार्टी, नागरिक उन्मुक्ति पार्टी लगायत केही स्वतन्त्र उम्मेदवारहरु चुनावी मैदानमा छन् ।

मतदान शुरु भएसँगै यस क्षेत्रको सुरक्षा व्यवस्था कडा पारिएको छ । नेपाल प्रहरी, सशस्त्र प्रहरी र नेपाली सेनाले गस्ती गरिरहेका छन् ।