टीकापुर, बैशाख २१
प्रहरीले लागुऔषध सहित दुईजनालाई पक्राउ गरेको छ । उनीहरुलाई इलाका प्रहरी कार्यालय जोशीपुरको टोलीले पक्राउ गरेको हो ।

पक्राउ पर्नेमा जोशीपुर गाउँपालिका–१ का ३२ वर्षका रविन शाह र २९ वर्षका बिनोद केसी रहेका छन । उनीहरुलाई रा ४ प ६०२ नम्बरको मोटरसाइकलमा गैरहेको अवस्थामा पक्राउ गरेको प्रहरीले जानकारी दिएको छ । शाहले मोटरसाइकल चलाएका थिए ।

प्रहरीले शाहको साथबाट २ पोका खैरो हिरोईन बरामद गरेको छ । मोटरसाइकलमा सवार केसीले सञ्चालन गरेको मोवाइल पसलबाट समेत प्रहरीले ६ पोका खैरा हिरोईन बरामद गरेको छ ।

पक्राउ परेका दुबैजनालाई इलाका प्रहरी कार्यालय भजनीले नियन्त्रणमा राखेर अनुसन्धान थालेको जिल्ला प्रहरी कार्यालय कैलालीले जानकारी दिएको छ ।