टीकापुर, १९ वैशाख
टीकापुर नगरपालिकाको चुनावी मैदानमा उत्रिएका तीन दलीय गठबन्धनको चुनावी सम्पर्क कार्यालय उद्घाटन गरिएको छ ।
नेपाली काँगे्रस, नेकपा माओवादी केन्द्र र नेकपा एकीकृत समाजवादी सम्मिलित गठबन्धनको चुनावी सम्पर्क कार्यालय उद्घाटन गरिएको हो ।
कार्यालयको उद्घाटन गठबन्धनका नगरप्रमुख, उपप्रमुख र वडा नं. १ का वडाध्यक्षका उम्मेदवारहरुले संयुक्त रुपमा गरेका हुन् ।
गठबन्धनका तर्फबाट टीकापुर नगरपालिकाको नगर प्रमुख पदका उम्मेदवार नेपाली काँग्रेसका महासमिति सदस्य नवराज रावल र उप–प्रमुखमा नेकपा माओवादी केन्द्रका टीकापुर नगर अध्यक्ष खडक बहादुर शाह उम्मेदवार छन्् । त्यस्तै नेकपा एकीकृत समाजवादीका प्रदेश कमिटी सदस्य सूर्यचन्द्र भट्टराई वडा नं. १ को अध्यक्षका उम्मेदवार छन् ।
टीकापुर क्षेत्रको विकासका लागि सबै दलहरु एक ठाउँमा आउनु पर्ने आवश्यकता रहेको बताउँदै नगर प्रमुख पदका उम्मेदवार नवराज रावलले भने ‘हामी तीन दलहरु गठबन्धन गरेर आएका छौं, गठबन्धनका उम्मेदवारहरुलाई विजयी बनाएर यस क्षेत्रको विकासका लागि हामी हातेमालो गर्नेछौं ।
वैशाख ३० गते हुने निर्वाचनका लागि गठबन्धन लगायतका दलहरु चुनावी प्रसार प्रचारमा छन् ।
