टीकापुर, बैशाख १२

आसन्न स्थानीय तहको निर्वाचनका लागि कैलालीको जानकी गाउँ पालिकामा विभिन्न राजनीतिक दलहरुले मनोनयन दर्ता गरेका छन् ।

निर्वाचन अधिकृतको कार्यालयले दिएको जानकारी अनुसार जानकी गाउँपालिकाको अध्यक्षका लागि नेपाली काँग्रेसको प्रदेश सभा क का सभापति परशुराम महतौले उम्मेदवारी दर्ता गराएका छन् ।

गठबन्धनका तर्फबाट उपाध्यक्षमा जयप्रकाश दहितको उम्मेदवारी दर्ता भएको छ ।

त्यस्तै नेकपा एमालेका नेता टेकबहादुर बम अध्यक्ष तथा गीता चौधरीले उपाध्यक्षमा उम्मेदवारी दर्ता गरेका छन् ।

नागरिक उन्मुक्ति पार्टीका तर्फबाट अध्यक्षमा गणेश चौधरी र उपाध्यक्षमा लालमति कठरियाको उम्मेदवारी दर्ता भएको छ ।

जानकी गाउँ पालिकामा ३५ हजार बढी मतदाता रहेका छन् ।