कैलालीमा लागूऔषधसहित प्रहरीले ३ जनालाई पक्राउ गरेको छ। शनिबार राति भजनी नगरपालिका–६ महादेउलीबाट से३प ९४० नम्बरको मोटरसाइल र लागूऔषधसहित उनीहरुलाई पक्राउ गरिएको हो। 

पक्राउ पर्नेमा बर्दगोरिया गाउँपालिका– १ बस्ने २४ वर्षीय रोहित खडका, २० वर्षीय अन्जान डगौरा र २२ वर्षीय अर्जुन चौधरी रहेको जिल्ला प्रहरी कार्यालय कैलालीले जनाएको छ।

प्रहरीका अनुसार उनीहरुको साथबाट ५ ग्राम खैरो हिरोइन फेला परेको थियो। उनीहरुलाई ईलाका प्रहरी कार्यालय भजनीले नियन्त्रणमा लिएर थप अनुसन्धान गरिरहेको छ।