टीकापुर, पुस १३
टीकापुर जेसीजको वर्ष २०२२ का लागि अध्यक्षमा टोप प्रकाश विक निर्वाचित भएका छन । आज भएको निर्वाचनमा प्रतिस्पर्धी बलराम चौधरीलाई ४ मत अन्तरले पराजित गर्दै विक निर्वाचित भएका हुन ।

निर्वाचनमा कुल ७० मत खसेको थियो । जसमा विकले ३७ र चौधरीले ३३ मत प्राप्त गरेको निर्वाचन समितिका संयोजक श्यामराज पाण्डेयले जानकारी दिए ।

समितिको कार्यकारी उपाध्यक्षमा कृष्णा चौधरी र रुपकबहादुर बिष्ट निर्वाचित भएका छन । चौधरीले ५४ र बिष्टले ४६ मत प्राप्त भएका छन । कार्यकारी उपाध्यक्षका प्रतिस्पर्धी डिल्लीप्रसाद जैशीले ३४ मत प्राप्त गरेका छन ।
त्यस्तै समितिको उपाध्यक्षमा भुपेन्द्र खड्का, जीवन गौचन, पृथ्वी चपाई र प्रकाश खत्री निर्विरोध निर्वाचित भएको निर्वाचन समितिले जनाएको छ ।

टीकापुर जेसीज वर्ष २०२२ का लागि निर्वाचित अध्यक्ष विक डल्फिन मिडिया प्रालिका अध्यक्ष हुन ।