काठमाण्डौ, मंसिर २६

नेपाली काँग्रेस १४ औ महाअधिवेशन अन्तरगत सोमबार (भोली) हुने निर्वाचनाका लागि तीन स्थानमा मतदान केन्द्र स्थापना गरिएको छ ।

मतदाताको संख्या बढी भएपछि निर्वाचन समितिले तीन स्थानमा मतदान केन्द्र स्थापना गरेको मिडिया सेन्टरका संयोजक डा.सुरेश आचार्यले जानकारी दिए ।

राष्ट्रिय सभा गृहमा पार्टी केन्द्रीय समिति, जनसम्पर्क समिति, भातृ÷शुभेच्छुक संसघ÷संस्था, कर्णाली प्रदेश, लुम्बिनी प्रदेश, र भृकुटीमण्डपको पार्कीङ्ग स्थलमा प्रदेश दुई, गण्डकी प्रदेश र भृकुटीमण्डपको हलमा प्रदेश एक, बाग्मती र सुदूरपश्चिम प्रदेशका महाधिवेशनका प्रतिनिधिका लागि मत हाल्ने व्यबस्था मिलाएको निर्वाचन समितिले जानकारी दिएको छ ।

राष्ट्रिय सभागृहमा दुई सय ९३ बुथ, भृकुटीमण्डप पार्कीङ्ग स्थलमा दुई सय ९३ बुथ र भृकुटीमण्डपको हलमा पाँच सय १४ बुथ राखिने भएका छन् । मतदना भने ८ बजे देखी ५ बजे सम्म हुने बताईएको छ ।