टीकापुर, भदौ ३

कैलालीको घोडाघोडी नगरपापालिकामा एक महिलाको शव फेला परेको छ ।

आज घोडाघोडी नगरपालिका-५ सरैयाकी (बेलुवापुर) की ५५ वर्षीया हिरादेवी साउँद मृत फेला परेको प्रहरीले जनाएको छ ।

जिल्ला प्रहरी कार्यालय कैलालीले दिएको जानकारी अनुसार साउँदको शव सोही ठाउँको कान्द्रा नदीमा ढलेको रूखको हाँगामा घोप्टो परि अड्किएको अवस्था फेला परेको हो ।

शवको सेती प्रादेशिक अस्पतालमा पोष्टमार्टमपश्चात् उनका श्रीमानले बुझाइएको छ ।

साउँदको मृत्युको कारण भने खुल्न सकेको छैन ।