टीकापुर, भदौ ३

१८२औं विश्व फोटोग्राफी दिवस विविध कार्यक्रम गरी मनाइएको छ । नेपाल फोटोग्राफर एशोसियसन कैलाली टीकापुर उपसमितिले आज टीकापुरमा निःशुल्क माक्स वितरण गरेर दिवस मनाएको छ ।

टीकापुरको मुख्य सडकमा यात्रा गरिरहेका एक हजार नागरिकलाई निःशुल्क माक्स वितरण गरिएको हो । कोरोनाको संक्रमण बढ्दै जाँदा थालिएको तपाईको माक्स खोई अभियानलाई सहयोग पुर्याउने उद्देश्यले माक्स वितरण गरिएको फोटोग्राफर एशोसियन कैलालीका प्रथम उपाध्यक्ष टोप प्रकाश वि.क.ले बताए ।

कोरोना संक्रमण बढ्दै जाँदा नागरिक स्वयम् सचेत बन्न आवश्यक रहेको औंल्याउँदै उपाध्यक्ष वि.क.ले महामारीलाई ध्यानमा राखेर सबैले अनिवार्य रुपमा माक्स लगाउनु पर्ने बताए ।

रिक्सा चालक, अटोचालक लगायत सर्वसाधारणलाई माक्स वितरण गरिएको थियो ।