टीकापुर, २६ साउन
कैलाली प्रहरीले हतियार सहित दुईजनालाई पक्राउ गरेको छ । प्रहरीका अनुसार गौरीगंगा नगरपालिका–९ शंकरपुरस्थित पूर्वपश्चिम राजमार्गमा गाडी चेकजाँचका क्रममा दुईजना पक्राउ परेका हुन ।

पक्राउ पर्नेमा धनगढी उपमहानगरपालिका–२ का ४६ वर्षका मोहितकुमार शाह र कैलारी गाउँपालिका–९ का ५३ वर्षका खेमराज चौधरी रहेका छन । प्रहरीका अनुसार शाहले चलाईरहेको बा १७ च १३१२ नम्बरको जीपमा धनगढी उपमहानगरपालिका–१ का ४६ वर्षका रुपक मल्ल र कैलारी गाउँपालिका–९ का ३३ वर्षका योगेन्द्रबहादुर देउवा समेत सवार थिए ।

प्रहरीले जीप भित्र लुकाई राखेको अवस्थामा १२ बोर १ थान, कार्टिज १ थान, पोइन्ट टुटु १ थान, गोली १० राउण्ड बरामद गरेको छ । प्रहरीले प्रारम्भिक अनुसन्धानका क्रममा १२ बोर चौधरीको र टुटु शाहको भएको पाईएको जनाएको छ ।

दुवैजनालाई हातहतियार खरखजाना शिर्षकमा मुद्दा दायर गरी थप अनुसन्धान भैरहेको जिल्ला प्रहरी कार्यालय कैलालीका डिएसपी प्रतिक बिष्टले जानकारी दिए ।