टीकापुर, साउन १२
विभिन्न छ वटा लायन्स क्लबहरुको संयुक्त पदस्थापन कार्यक्रम आज टीकापुरमा सम्पन्न भएको छ । टीकापुर र लम्कीमा कार्य क्षेत्र रहेका क्लबका पदाधिकारीहरुलाई संयुक्त रुपमा पदस्थापन गरिएको छ ।
पदस्थापन हुनेमा लायन्स क्लब टीकापुरका अध्यक्ष टीकाराम श्रेष्ठ, लायन्स क्लब आफ टीकापुर टाउनका अध्यक्ष कृष्णप्रसाद बजगाई, लायन्स क्लब अफ टीकापुर सिटीका अध्यक्ष कृष्णा बिष्ट, लायन्स क्लब अफ कैलाली लम्कीका अध्यक्ष डम्बरबहादुर शाह, लायन्स क्लब अफ कैलाली लम्की क्रियटिभका अध्यक्ष देविकला भण्डारी र लायन्स क्लब अफ कैलाली लम्की एकेडेमीयाका अध्यक्ष बलबहादुर थापा रहेका छन । उनीहरुसँगै सचिव, कोषाध्यक्ष लगायतले समेत पदस्थापन गरेका छन ।
पदस्थापनसँगै सबै क्लबका अध्यक्षहरुले आफ्नो कार्यकालमा गर्न चाहेका कार्यक्रम घोषणा गरेका छन । उनीहरुले क्लब बिस्तार, सदस्यता वृद्धि, वृक्षारोपण, स्वास्थ्य शिविर, युवा सशक्तिकरण लगायतका कार्यक्रम घोषणा गरेका छन । उनीहरु सबैले एक वर्ष क्लबको नेतृत्व गर्नेछन ।
लायन्स क्लब डिस्ट्रिक ३२५ बी टुका रिजन पर्सन नारायण न्यौपानेको अध्यक्षतामा सम्पन्न भएको संयुक्त पदस्थापन कार्यक्रमका प्रमुख अतिथि डिस्ट्रिक गभर्नर रामप्रसाद भट्ट रहेका थिए ।
पदस्थापन कार्यक्रममा बोल्दै प्रमुख अतिथि भट्टले लायन्स अभियानमा आम मानिसको सहभागीता बढाउन क्लबहरुले भूमिका खेल्नुपर्ने बताए । उनले क्लब बिस्तार र सदस्यता वृद्धिमा जोड दिन आग्रह गरे ।
सो अवसरमा फस्ट भ्याइस डिस्ट्रिक गभर्नर सिबी चन्द, पास्ट डिस्ट्रिक गभर्नर राजकुमार श्रेष्ठ लगायतको उपस्थिति रहेको थियो ।
