टीकापुर, बैशाख ३१
नेपाली काँग्रेसका नेता एवं सुदूरपश्चिम प्रदेश सभा संसदीय दलका नेता डाक्टर रणबहादुर रावललाई पितृशोक परेको छ ।
रावलका बुबा शेरबहादुर रावल (श्रीरावल) को १०१ वर्षको उमेरमा शुक्रबार टीकापुरस्थित घरमा निधन भएको हो । विक्रम् सम्वत १९७७ साल माघमा अछामको पुल्लेतोलामा जन्मिएका स्वर्गीय रावल साविक बाराला पुल्लेतोला गाउँ पञ्चायतका पटक पटक गरी प्रधानपञ्च भएका थिए ।
नेपाली काँग्रेस क्षेत्र नं १ कैलालीले समाजसेवी रावलको निधनमा शोक वक्तव्य जारी गर्दै निष्ठा र निस्वार्थको प्रतिमुर्ति ढलेको जनाएको छ ।
क्षेत्रीय सभापति भुवनेश्नवर अधिकारले स्व. रावलकै जोश र उत्साहले टीकापुरमा रहेको पार्टी कार्यालय निर्माण भएको बताएका छन् । स्व. रावलले पार्टी कार्यालय निर्माणका लागि १ लाख बढी रकम प्रदान गरेका थिए । उनका तीन छोरा र पाँच छोरी छन् ।
पारिवारिक श्रोतका अनुसार मृतक रावलको अन्तिम संस्कार सनकट्टीस्थित कणर्ाली नदीमा हुनेछ ।
मृतक रावलप्रति हार्दिक श्रद्धाञ्जली व्यक्त गर्दै शोक सन्तप्त परिवारजनमा हाम्रोपत्र समवेदना व्यक्त गर्दछ ।
