टीकापुर, बैशाख २७
टीकापुर अस्पतालमा उपचाररत विरामीहरुलाई अक्सिजन अभाव हुन नदिन थालिएको अक्सिजन सहयोग अभियानका लागि अमेरिकामा रहेकाहरुले सहयोग अभियान शुरु गरेका छन् ।
स्वयम्सेवी संस्था टीकापुर सरोकार समूहले टीकापुर अस्पतालमा अक्सिजन सहयोग गर्नका लागि शुरु गरेको अभियानमा सहयोग गर्ने गरी अमेरिकामा रहेका टीकापुरका युवाहरुले सहयोग संकलन शुरु गरेका हुन् ।
अक्सिजनको अभावमा कुनै व्यक्तिले ज्यान गुमाउन नपरोस् भन्ने उद्देश्यका साथ थालिएको अभियानमा सहयोग गर्ने उद्देश्यले अमेरिका अभियान शुरुवात गरिएको कोलोराडोबाट प्रकाश विष्टले जानकारी दिए । अभियानको शुरुवात भएसँगै विभिन्न सहयोगदाताहरुले सहयोग रकम उपलब्ध गराउन थालेका छन् । सरोकार समूहसँग आवद्ध देश तथा विदेशमा रहनु भएका नागरिकले सो अभियानमा स्वऐच्छिक सहयोग गर्न सक्नेछन् ।
अभियानका लागि टीकापुर उद्योग वाणिज्य संघका अध्यक्ष रामबहादुर भण्डारी, टीकापुर अस्पताल विकास समितिका अध्यक्ष दीपक रावल र सरोकार समूहका सदस्य नवराज भट्टराईको नाममा बैंक खाता खोलिएको छ ।
मानवीय सेवामा राहत पुर्याउन सक्दो सहयोगका लागि हाम्रोपत्र डटकम सबैमा अपिल गर्दछ ।
खाता विवरण
A/c numer 0915751283181001
A/ c Name : Nawraj Bhattarai Upadhayaya/ Ram Bahadur Bhandari/ Deepak Bahadur Rawal
Bank Name: NIC ASIA Bank Tikapur branch