सृष्टी अर्याल
टीकापुर, भदौ १०
ग्रिन कमाण्डो अर्थ (जिसीई) द्वारा आयोजित राष्ट्रियस्तरको खुल्ला वादविवाद प्रतियोगिताको पहिलो चरणको सेमीफाइनल सम्पन्न भएको छ । १६ प्रतियोगी बिच भएको प्रतिस्पर्धाको सञ्चालन बर्षा राउत र सिता बस्यालले गरेका थिए ।
विभिन्न शैक्षिक एवम् सामाजिक पक्षलाई विषयवस्तु बनाएर आयोजना गरिएको वादविवाद प्रतियोगितामा प्रतियोगीहरूले आ–आफ्ना तर्क प्रस्तुत गरेका थिए ।
प्रतियोगी रियाना ढुगांनाले अनलाइन क्लासबाट भरखर मात्र भारतको केरलामा भएको घटनालाई औल्याउदै विपक्षबाट आफ्नो तर्क राखेकी थिईन भने अर्का प्रतियोगी जतिन भूषालले प्रविधिको विकासले गाउँलाई समेत छोएको धारणा राखेका थिए । उनले मोबाइल चलाउन नजानेकी एक वृद्धाले आज प्रविधी अनुरूप अनलाइन मार्फत आमा समूहको बैठकमा सहभागीता जनाउने कुरालाई आफ्नो दावी पेश गरेका थिए ।
प्रतियोगीहरूको कडा प्रतिस्पर्धा बिचमा दोस्रो चरणको सेमीफाइनलको लागी ८ जना प्रतियोगीहरू चयन भएका छन । जसमा सम्वृद्धी देव, प्रिस्मा पोखरेल, आशिष सापकोटा, टीका पाण्डे, सामथ्र्य झा, सुभेक्षा अर्याल, इन्दिरा न्यौपाने र अग्रता शर्मा रहेका छन । बाँकी १ जनालाई वाइल्ड कार्ड इन्ट्रि मार्फत भित्र्याइने छ ।
कार्यक्रममा निर्णायकको भूमिका बर्षा भण्डारी, सुमन गिरी, र प्रसुराम निरौलाले निर्वाह गरेका थिए ।
