काठमाडौँ, बैशाख ८
शिक्षामन्त्री विद्या भट्टराईले पदबाट राजीनामा दिएकी छन्।

प्रधानमन्त्री केपी शर्मा ओलीलाई भेटेर उनले राजीनामा पत्र बुझाएको उनको सचिवालयले नेपालखबरलाई जानकारी दिएको छ।

शिक्षक आन्दोलन चर्किरहेका बेला विभागीय मन्त्रीले राजीनामा दिएकी हुन्।

शिक्षकका माग सम्बोधन गर्न मन्त्री भट्टराईले सात बुँदे प्रस्ताव तयार गरेकी थिइन्। उक्त प्रस्ताव मन्त्रिपरिषद्मा पेस गरी आजै आन्दोलनबाट फर्कन शिक्षकहरूलाई आह्वान गर्ने तयारी थियो।

प्रधानमन्त्री ओलीले मन्त्रिपरिषद् बैठक आजै साँझ ५ बजे बोलाएका छन्।