टीकापुर, चैत्र २१
लागुऔषधसहित कैलालीका विभिन्न ठाउँबाट पाँच जना पक्राउ परेका छन् ।जिल्ला प्रहरी कार्यालय कैलालीले दिएको जानकारी अनुसार धनगढी उपमहानगरपालिका वडा नं. ४ बसपार्कबाट अछामको मंगलसेन नगरपालिका वडा नं. १ का १८ वर्षीय किशोर र मंगलसेन नगरपालिका वडा नं. ५ का १७ वर्षीय किशोर पक्राउ परेका हुन् ।
दुईजना किशोरलाई १ ग्राम २४० मिलिग्राम खैरो हेरोइनसहित अस्थायी प्रहरी पोष्ट बसपार्कबाट खटिएको प्रहरी टोलीले नियन्त्रणमा लिएको हो ।
त्यस्तै धनगढी उपमहानगरपालिका वडा नं. ६ जंगल रिसोर्ट नजिकबाट सोही ठाउँका २६ वर्षीय आशाराम चौधरी र २९ वर्षीय दिलबहादुर चौधरी लागुऔषधसहित पक्राउ परेका छन् ।
चौधरीलाई १ ग्राम २१० मिलिग्राम लागुऔषध खैरो हेरोइनसहित वडा प्रहरी कार्यालय धनगढी र लागुऔषध नियन्त्रण ब्युरो शाखा कार्यालय धनगढीबाट खटेको प्रहरी टोलीले नियन्त्रणमा लिएको छ ।
यसैगरी गौरीगंगा नगरपालिका वडा नं. ८ लिक्मा गाउँमा सडक छेउबाट सोही ठाउँका १८ वर्षीय किशोरलाई ८० मिलिग्राम खैरो हेरोइनसहित इलाका प्रहरी कार्यालय मसुरियाबाट खटिएको प्रहरी टोलीले नियन्त्रणमा लिएको छ ।
-1729233105.jpeg)
