Hamro Patra
लागु पदार्थ सहित एमाले कार्यकर्ता पक्राउ 

टीकापुर, चैत १६
बाराको जितपुरसिमरा उपमहानगरपालिका वडा नं. १ पथलैया चोकबाट आज लागुपदार्थ सहित नेकपा एमालेका कार्यकर्ता पक्राउ परेका छन । 

पक्राउ पर्नेमा मकवानपुर जिल्लाको हेटौडा उपमहानगरपालिका वडा नं. १२ का ४४ वर्षका मिलन भोलान र सोही ठाउँका ४७ वर्षका गोपाल प्रसाद गौतम रहेका छन । 

उनीहरुलाई सशस्त्र प्रहरी बल नेपाल राजश्व प्रहरी ईकाइ पथलैयाबाट खटिएको प्रहरी निरिक्षक धोज बिक्रम शाही नेतृत्वको टोलीले बा प्र ०१–०२९ च ४५१४ नम्बरको कारमा बिरगञ्ज जाँदै गर्दा पक्राउ गरेको हो । 

सशस्त्र प्रहरीको टोलीले उनीहरुको साथबाट ८ किलो अफिम बरामद गरेको छ । प्रहरीका अनुसार उनीहरुको साथबाट ६३ हजार ३२० रुपैयाँ, ३ थान मोवाइल, कृषि विकास बैंकको चेकबुक, मतदाता परिचय पत्र, पार्टी सदस्यता पत्र, नागरिकता समेत बरामद भएको छ । 

प्रहरीले घटनाका बारेमा थप अनुसन्धान भैरहेको जानकारी दिएको छ । 
 

प्रकाशित मिति: शनिबार, चैत १६, २०८१  ११:११
प्रतिक्रिया दिनुहोस्
Weather Update