ट्याक्टरबाट खसेर महिलाको मृत्यु

टीकापुर, माघ २५
कैलालीको जोशीपुर गाउँपालिकामा ट्याक्टरबाट खसेर एक महिलाको मृत्यु भएको छ । जोशीपुर गाउँपालिका वडा नं. ५ मैनपोखरी नहरमा ५० वर्षीय तेजबहादुर मौनीले चलाएको सुदूरपश्चिम प्रदेश ०१–००२ त ५२३२ नम्बरको ट्याक्टरबाट खसेर महिलाको मृत्यु भएको प्रहरीले जनाएको हो ।
ट्याक्टरबाट खसेर जोशीपुुरकै सिम्राना बस्ने ५८ वर्षीया रामपति थरुनीको मृत्यु भएको हो । बिहीवार साँझ ७ बजेतिर उनी ट्याक्टरबाट खसेर टायरमा च्याप्पिएकी थिइन् ।
उनलाई उपचारका लागि कोहलपुर मेडिकल कलेज लगिएकोमा उपचारकै क्रममा मृत्यु भएको प्रहरीले जनाएको छ । ट्याक्टर र चालकलाई प्रहरीले नियन्त्रणमा लिएको छ ।
प्रकाशित मिति: शुक्रबार, माघ २५, २०८१ १०:०८
प्रतिक्रिया दिनुहोस्