टीकापुर, माघ ६
कैलालीको टीकापुर नगरपालिका वडा नं. १ ज्योतिनगरमा आज विहान आगलागी हुँदा एक घरमा क्षति पुगेको छ । स्थानीय धु्रबबहादुर ठकुल्लाको पक्की घरमा आगलागी हुँदा झण्डै १० लाख बढीको क्षति भएको हो । 

इलाका प्रहरी कार्यालय टीकापुरका प्रमुख डिएसपी नवीनराजा बुढाथोकीले दिएको जानकारी अनुसार ठकुल्लाको घरमा विहान ९ बजेको समयमा आगलागी भएको थियो । 

विद्युत सर्ट भएर आगलागी हुँदा ठकुल्लाको घरमा रहेका टिभी, फ्रिज, सोफा, नगद ४६ भारतीय रुपैयाँ, १० हजार नेपाली रुपैयाँ, बेडरुम, हलरुम र किचन रुम जलेर नष्ट भएको हो । 

ठकुल्लाले नगद र कोठामा रहेका सामानहरु गरी झण्डै १० लाख बढी रुपैयाँको क्षति भएको बताए । आगो टीकापुर नगरपालिकाको दमकल, स्थानीयबासी र सुरक्षाकर्मीले नियन्त्रणमा लिएका थिए ।