टीकापुर, माघ ६
कैलालीमा अटो र मोटरसाइकल एकापसमा ठोक्किँदा एक जनाको मृत्यु भएको छ भने ५ जना घाइते भएका छन् ।

जिल्लाको बर्दगोरिया गाउँपालिका वडा नं. २ झगडपुरस्थित सडकमा भे २ स ५६६१ नम्बरको अटो र सुदूरपश्चिम प्रदेश ०१–००९ प ४०५३ नम्बरको मोटरसाइकल एकआपसमा ठोक्किएर शनिबार दिउँसो दुर्घटना भएको हो ।

दुर्घटनामा अटोमा सवार केशव आलेमगरकी ६ वर्षीया छोरी आरती आलेमगरको मृत्यु भएको छ भने पाँच जना घाइते भएको प्रहरीले जनाएको छ । दुर्घटनामा घाइते पाँच जनाको बर्दगोरिया अस्पताल बौनियामा उपचार भइरहेको छ । अटो र मोटरसाइकल चालकलाई प्रहरीले नियन्त्रणमा लिएको    छ ।