टीकापुर, पौष २५
कैलालीमा लागूऔषध मुद्दामा फरार रहेका दुई जना पक्राउ परेका छन् ।

लागूऔषध खैरो हेरोइन मुद्दामा २ महिना कैद सजाय र २ हजार जरिवाना तोकिएपछि फरार रहेका धनगढी उपमहानगरपालिका वडा नं. ७ मनेहरा बस्ने २८ वर्षीय संजित राना र सोही मुद्दामै १ महिना कैद सजाय तोकिएका टीकापुर नगरपालिका वडा नं. १ ब्लक नम्बर १४ बस्ने २६ वर्षीय डायमण्ड बिक्रम शाह पक्राउ परेका छन् ।

जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भएपछि फरार रहेका दुबै जनालाई बुधवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो ।