टीकापुर, पौष २१ 
कैलालीको टीकापुरबाट ७ ग्राम २६० मिलिग्राम लागुऔषधसहित एक युवक पक्राउ परेका छन् । इलाका प्रहरी कार्यालय टीकापुरबाट खटिएको प्रहरी टोलीले टीकापुर नगरपालिका वडा नं. ९ बालुवाटारस्थित सडकखण्डबाट शनिबार साँझ जानकी गाउँपालिका वडा नं. ९ पुर्व खैरीफाँटाका २० वर्षीय निरज जैसीलाई लागुऔषधसहित पक्राउ गरेको हो । 

जैशीले चलाएको से ६ प ९०६३ नम्बरको मोटर साइकललाई चेकजाँच गर्दा मोटरसाइकलको पछाडीको दुबै साइडको इन्डिकेटरभित्र लुकाई राखेको ७ ग्राम २६० मिलिग्राम लागुऔषध फेला परेको प्रहरीले जनाएको छ ।

उनलाई इलाका प्रहरी कार्यालय टीकापुरको हिरासतमा राखेर थप अनुसन्धान भइरहेको छ ।