टीकापुर, मंसिर २०
१३ ग्राम लागूऔषध खैरो हेरोइनसहित कैलालीको टीकापुरबाट प्रहरीले दुईजना बुढाबुढीलाई पक्राउ गरेको छ । जिल्लाको टीकापुर नगरपालिका वडा नं. ९ खक्रौलाबाट १३ ग्राम १६० मिलिग्राम लागूऔषध खैरो हेरोइन सहित दुई जनालाई प्रहरीले पक्राउ गरेको हो ।

इलाका प्रहरी कार्यालय टीकापुर र प्रहरी चौकी कालाकुण्डाको नेतृत्वमा कैलालीबाट संयुक्त रुपमा खटिएको प्रहरी टोलीले शक्तिनगर बस्ने २२ वर्षीय मुकेश कुमार डगौरा  र २३ वर्षकी सृजनाकुमारी चौधरीलाई पक्राउ गरेको सुदूरपश्चिम प्रदेश प्रहरी कार्यालयका प्रहरी वरिष्ठ उपरीक्षक एवम् प्रवक्ता श्याम कृष्ण अधिकारीले जानकारी दिए ।

प्रहरीका अनुसार पक्राउ परेका उनीहरु श्रीमान् श्रीमती हुन् । दुवै जना माथि आवश्यक अनुसन्धान भई कारबाही प्रक्रिया अगाडि बढाएको समते प्रहरीले जनाएको छ ।