टीकापुर, मंसिर ६
कैलालीमा मोटरसाइकल अनियन्त्रित भएर पुलमा ठोक्किँदा एक युवकको मृत्यु भएको छ । गए राति धनगढी उपमहानगरपालिका वडा नं. ७ स्थित बेली पुलमा ठोक्किएर चालक कैलारी गाउँपालिका वडा नं. ७ रतनपुरका ३४ वर्षीय मनोज चौधरीको ज्यान गएको हो ।

सुदूरपश्चिम प्रदेश प्रहरी कार्यालय धनगढीका अनुसार चौधरीले चलाएको सुप प्र ०१-०११ प ७८९७ नम्बरको मोटरसाइकल आफैँ अनियन्त्रित भई पुलमा ठोक्किएको थियो ।

दुर्घटनामा गम्भीर घाइते चौधरीलाई उपचारका लागि धनगढीस्थित निसर्ग अस्पतालमा लगिएकोमा चिकित्सकले चेकजाँच गरेर मृत्यु भएको घोषणा गरेका थिए ।