टीकापुर, मंसिर ५
कैलालीको धनगढीमा लागुऔषधसहित एक जना पक्राउ परेका छन् । धनगढी उपमहानगरपालिका वडा नं. ३ त्रिनगर ब्यारेल नजिकैबाट लागुऔषधसहित एक जना पक्राउ परेका हुन् ।

वडा प्रहरी कार्यालय धनगढीबाट प्रहरी निरीक्षक योगेश खत्रीको कमाण्डमा खटिएको प्रहरी टोलीले डोटीको दिपायल-सिलगढी नगरपालिका वडा नं. ६ घर भई हाल धनगढी उपमहानगरपालिका वडा नं. १ त्रिवेणी चोक नजिकै कोठा गरी बस्ने १८ वर्षीय अनुरोध श्रेष्ठलाई ६०१ मिलिग्राम लागुऔषधसहित पक्राउ गरिएको छ ।

उनलाई जिल्ला प्रहरी कार्यालयको हिरासत कक्षमा राखेर अनुसन्धान भइरहेको छ । उनले बोकेका सामानहरुको सुक्ष्म रुपमा चेकजाँच गर्दा साबुनभित्र लुकाई राखेको ५ ग्राम ४३० मिलिग्राम लागुऔषध कुल ६ ग्राम ३१ मिलिग्राम लागुऔषध बरामद गरिएको प्रहरीले जनाएको छ ।