टीकापुर, कार्तिक ३०
नेपाली काँग्रेसका महामन्त्री गगनकुमार थापाले मातृ शोक परेका कैलालीको अत्तरियाका युवा नेता लोकराज पाण्डेय ‘आगो’ लाई समवेदना पत्र पठाएका छन् ।
पाण्डेयलाई महामन्त्री थापा आफै सहभागी हुने कार्यक्रम तय भएको भए पनि काम विशेषले सिन्धुली जाने काम परेको हुँदा प्रतिनिधिका रुपमा आफ्नो सचिवालय प्रमुख युवराज पाण्डेय लगायतको टोलीमार्फत समवेदना पत्र पठाएका हुन् ।
शोक पत्रमा नेता पाण्डेयलाई सम्बोधन गर्दै भनेका छन् ‘शोकको यस कठिन घडीमा तपाई, बुवा बासुदेव पाण्डेय, भाई कैलाश पाण्डेय लगायत सम्पूणर् शोक सन्तप्त परिवार तथा आफन्तजनमा गहिरो समवेदना प्रकट गर्दछु ।’
यही कार्तिक २० गते युवा नेता आगोकी ममतामयी आमाको ६३ वर्षको उमेरमा निधन भएको थियो । यसअघि नेता पाण्डेयलाई समवेदना प्रकट गर्न काँग्रेस सभापति शेरबहादुर देउवा, सुदूरपश्चिमका मुख्यमन्त्री कमलबहादुर शाह लगायतका पार्टीका नेता कार्यकर्ताहरु उनको घरमै पुगेका थिए ।
