धनगढी, कार्तिक २९ 
धनगढीमा प्रहरीले ३६ किलो चरेस बरामद गरेको छ । जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कबिन्द्रसिंह बोहराले दिएको जानकारी अनुसार बुधबार साँझ धनगढी उपमहानगरपालिका वडा नं. ५ को लब्ली चोकबाट प्लास्टिकसहित ३६ किलो ६६५ ग्राम चरेस बरामद गरिएको जानकारी दिए ।

वडा प्रहरी कार्यालयका प्रमुख प्रहरी निरीक्षक योगेश खत्री नेतृत्वको टोलीले लब्ली चोकमा मोटरसाइकल चेकजाँच गर्दा चरेस बरामद गरेको हो । तर, चरेस बोकेको १०७२ नम्बरको एनएस प्लसरका चालक र पछाडि सवार भने फरार भएका छन् ।

परिचय नखुलेका उनीहरूको खोजी भइरहेको डीएसपी बोहराले बताए ।