टीकापुर, असोज २३
टीकापुरस्थित मुख्यबजार क्षेत्रबाट दिनदहाडै चोरिएको मोटरसाइकल अझै भेटिएन । प्रहरीले खोजी गरिरहेको बताए पनि मोटरसाइकलका बारेमा कुनै जानकारी हासिल गर्न सकेको छैन । 

प्रहरीले मोटरसाइकल चोरी भैरहेको अवस्थाको सिसी क्यामेराको फुटेज (भिडियो) समेत पाएको छ । तैपनि प्रहरी मोटरसाइकलको बारेमा जानकारी प्राप्त गर्न असफल रहेको छ । 

इलाका प्रहरी कार्यालय टीकापुरका डिएसपी नविन राजा बुढाथोकीले खोजी भैरहेको बताए । उनले अन्य ठाउँका सिसी क्यामेराको फुटेज समेत चेकजाँच भैरहेको जानकारी दिए ।

टीकापुर नगरपालिका वडा नम्बर २ का वडाध्यक्ष दीपक चौधरी चढेको सुप प्र ०१–००१ ब २३०४ नम्बरको सरकारी नम्बर प्लेटको मोटरसाइकल हिजो टीकापुर नगरपालिका वडा नम्बर १ स्थित नेपाल बैंक लिमिटेडको हाताभित्रबाट चोरी भएको थियो । 

उनको मोटरसाइकल दिउसो १२ः३५ बजेतिर चोरी भएको थियो । दिनदहाडै मोटरसाइकल चोरिएपछि स्थानीयमा थप दुर्घटनाको आशंका उब्जिएको छ । उनीहरुले प्रहरीको सकृयताको माग गरेका छन ।