धनगढी, असोज २३
प्रहरीले कैलाली र कञ्चनपुरबाट लागु औषध सहित तीन जनालाई पक्राउ गरेको छ । प्रहरीका अनुसार कैलालीबाट २ र कञ्चनपुरबाट १ जना पक्राउ परेका छन ।
पक्राउ पर्नेमा कैलालीको गौरीगंगा नगरपालिका वडा नम्बर ८ का २६ वर्षका रुपेन्द्र कलेल र सोही ठाउँका २६ वर्षकै पदमबहादुर कलेल रहेका छन । उनीहरुको साथबाट १ ग्राम ३५१ मिलिग्राम खैरो हेरोईन र तराजु समेत बरामद भएको प्रहरीले जानकारी दिएको छ ।
उनीहरुलाई गौरीगंगा नगरपालिका वडा नम्बर ७ लहानुचोकस्थित दीपक धामीको खाली घरको कोठामा बसिरहेको अवस्थामा शंका लागेर चेकजाँच गर्ने क्रममा पक्राउ गरेको प्रहरीले बताएको छ ।
त्यस्तै कञ्चनपुरको शुक्लाफाँटा नगरपालिका वडा नम्बर ६ कसरौलका २५ वर्षका रमेश खाती पक्राउ परेका छन । प्रहरीले उनलाई शुक्लाफाँटा नगरपालिका वडा नम्बर १० झलारीबाट पक्राउ गरेको जानकारी दिएको छ ।
प्रहरीले उनको साथबाट २ ग्राम १६ मिलिग्राम चरेश बरामद गरेको छ ।
