कञ्चनपुर, असोज २२
कञ्चनपुर जिल्लाको बेलौरी नगरपालिका वडा नं. ५ मा हात्तीले आक्रमण गर्दा एक युवकको मृत्यु भएको छ ।

गएराति नगरपालिकाको मैनाहामा मोटरसाइकलमा ढक्काचाँदर स्थित घरतर्फ जाँदै गरेका २२ वर्षीय उमेश चौधरीलाई जङ्गली हात्तीले आक्रमण गर्दा मृत्यु भएको गरेको कुण्डा सबडिभिजन वन कार्यालयका प्रमुख दिनेशकुमार यादवले बताए ।

उनका अनुसार वन क्षेत्रमा हात्ती कराएको आवाज सुनेपछि उनीसहित २४ वर्षीय रोशन चौधरी र २२ वर्षीय नवीन चौधरी मोटरसाइकल छाडेर भागेका थिए । उनी सम्पर्कमा नआएपछि खोजतलास गर्दा उनी सामुदायिक वन क्षेत्रमा मृतावस्थामा आज बिहान फेला परेको हो ।