हात्ती धपाउन जाँदा ५० वर्षीय पुरुषको मृत्यु
कञ्चनपुर, असोज १३
बस्तीमा पसेको जंगली हात्ती धपाउन जाँदा सुदूरपश्चिमको कञ्चनपुरमा हात्तीको आक्रमणबाट एक जनाको मृत्यु भएको छ । जिल्लाको लालझाडी गाउँपालिका वडा नं. ४ डाडाजाइँका ५० वर्षीय रामदल रानाको जंगली हात्तीको आक्रमणबाट मृत्यु भएको हो ।
जिल्ला प्रहरी कार्यालय कञ्चनपुरका डिएसपी उमेश जोशीका अनुसार बस्ती पसेको जंगली हात्तीको बथान धपाउन गएका रानामाथि हात्तीले आक्रमण गरेको थियो ।
शनिबार बेलुका बस्तीमा जंगली हात्ती आएको थियो । हात्ती धपाउन गएका राना बेपत्ता भएपछि स्थानीयले प्रहरीलाई खबर गरेका थिए । खोजी गर्दा आइतबार बिहान घरबाट करिब एक किलोमिटरको दूरीमा रानाको शव भेटिएको प्रहरीले जनाएको छ ।
प्रकाशित मिति: आइतबार, असोज १३, २०८१ ०८:०८
प्रतिक्रिया दिनुहोस्
साताको लोकप्रीय
