कविता
खोजी ! अनुपम मार्गको
सी.जी. “निर्मलश्री”
(चतुर्भुज गौतम)
एकातिर !
रहरहरु छन्
तिमीसँग जीवनका हरेक
पलहरु बिताउन
पाउँछु कि भन्ने .......
.
अर्कोतिर !
जिम्मेवारीहरु छन्
तिम्रा हरेक रहरहरु
पूरा गर्न सक्दैनँ कि भन्ने ........
.
के !
यी रहर र
जिम्मेवारी
बिच कुनै
मध्यमार्गी मार्ग
छैनन् र प्रिय ?
मेरा रहर
पूरा हुन सकून्
तिमीप्रतिका जिम्मेवारी
निभाउन सकूँ..........
.
म !
त्यही अनुपम
मध्यमार्गी
मार्गको खोजीमा
भौंतारिरहेको छु
र सायद खोजिरहनेछु
अनन्तसम्म.......
टीकापुर-१, कैलाली
हाल: काठमाण्डौं
प्रकाशित मिति: शनिबार, भदौ २९, २०८१ १३:१२
प्रतिक्रिया दिनुहोस्
