सि.जी. “निर्मल श्री”
चतुर्भुज गौतम
अञ्जानबाटै हुन्छ
मित्रताको शुरुवात
लाग्छ
मित्रता एउटा भावना हो
प्रेम एउटा विश्वास हो
भावनाको व्यापार गर्ने
प्रेमको मोल लिने वा दिने
कुनै व्यापारिक
छैनन् मेरा मन्हरु !
कविताको पसलमा
के नै व्यापार
गर्न सकिन्छ र खै ?
एकाध थान कविताका
गोडा दुएक
शाब्दिक श्रृङ्खलाहरु बाहेक
मसँग
वैभवी ललिपपको साटोमा
विनिमय गर्ने कुनै
शब्दहरु नै छैनन्.....
.
“वैभवी” ललिपप !
प्रेमको साटोमा प्रेम !
सम्बन्धको साटोमा धोका !
विनिमय गर्ने
कुनै सामाग्री छैनन् मसँग
प्राकृतिक सुन्दरताका शब्दहरु
सिर्जित गर्ने
मेरो बहिखातामा
व्यापारिक मोलमोलाईका कुनै
तौल तुलाई आवश्यक छैनन्
त्यसैले त
प्रेमको साटोमा प्रेम गर्छु म
सम्बन्धको मूल्य
सम्बन्धमा हेर्छु म
कुनै वैभवी ललिपपले
लोभ्याउँदैनन् मलाई ......
.
शरीर कुनै !
प्रेम हैन प्रिय !
भावनालाई शरीरसँग
खेल्न नखोज
अधिकारको प्रत्यायोजन
विचारमा सम्प्रेषण गर
भौतिक, अभौतिक
शारिरिक र मानसिक प्रेमलाई
प्रेमको काल्पनिक दृष्टिले हेर
कतै वैभवी ललिपपमा
लुटपुटिएर तिमी
विस्तारै विस्तारै
प्रेम केवल एक व्यापार हो भन्ने
फगत व्यापारीको फन्दामा नपरे
त्यस्तो व्यापारीको फन्दामा !
जोे वैभवी ललिपप बेचेर कतै
सुद सहित
वैभवी बलात्कारको मोटो
हिसाब किताब गर्न सक्छ.....
.
प्रिय !
प्रेम कुनै
वैभवी ललिपप हैन
प्रेम ! निष्ठा हो
त्याग हो
प्रेम ! समर्पण हो
आस्था हो
प्रेम प्रकाशपुञ्ज हो
केवल !
कल्पनामा विचरण गराउने
अनन्त प्रकाशपुञ्ज हो .......
टीकापुर १, कैलाली
हाल: काठमाण्डौं
