कविता
प्रेमको समर्पण
"सी.जी. निर्मल श्री"
चतुर्भुज गौतम
रामराज्य !
मानिने
रामकै राज्यमा
एउटी अबला सीतालाई
अनेकन् !
पीडा र कष्ट
अनेकन् !
लाञ्छनाका अभियोगहरु
अनेकन् !
अग्नि परीक्षाका
श्रृङ्खलाहरु ..................
(उफ ! रामको त्यो राज्य !)
.
सोह्र हज्जार !
गोपिनीको मन चोर्ने
दीलमा बस्ने
प्रेमका राजा
माखन चोर
कृष्णलाई
सँधैंको हाई हाई
सबले हाई हाई........
(वाह ! प्रेमको अद्भूत नमूना !)
.
प्रमाणित !
हुदैन र प्रिय !
प्रेम ! आशंकामा हैन
अग्नी परीक्षामा हैन
लाञ्छनामा हैन
आत्मीयतामा हुन्छ
समर्पणमा हुन्छ
जीवनका हरेक
पल प्रतिपल
तिमीसँगै बिताउने
विश्वासको सम्बन्धमा
जीवित भएको हुन्छ.......
(आऊ प्रिय !
मलाई ! तिमीले
सीताले रामलाई गरेको
अग्नीपरीक्षामा भरिएको प्रेम हैन
राधाले कृष्णलाई गर्ने
भावनाको समर्पणमा बग्ने
अद्भूत प्रेम गर..............)
टीकापुर १ कैलाली
हाल : काठमाडौ ।
प्रकाशित मिति: सोमबार, भदौ १०, २०८१ ०८:०३
प्रतिक्रिया दिनुहोस्
साताको लोकप्रीय
