टीकापुर, पुस १९
नेपाल फोटोग्राफर्स एशोसियसन कैलालीको टीकापुरमा सम्पन्न छैटौं जिल्ला अधिवेशनबाट नयाँ नेतृत्व चयन भएको छ । आगामी तीन वर्षे कार्यकालका लागि झुपेन्द्र बोहराको अध्यक्षतामा नयाँ नेतृत्व चयन भएको हो ।
कार्य समितिको प्रथम उपाध्यक्षमा टोप प्रकाश विक र द्वित्तीय उपाध्यक्षमा दीपक कठायत चयन भएका छन । त्यस्तै कार्य समितिको महासचिवमा धु्रव सापकोटा, सचिवमा राजु पुनमगर, कोषाध्यक्षमा खुशीराम चौधरी र सहकोषाध्यक्षमा सोमराज घिमिरे चयन भएका छन ।
त्यस्तै कार्य समितिको सदस्यहरुमा साँधुराम चौधरी, सुशील चौधरी, बिरेन्द्र भण्डारी, कन्हैया चौधरी, उत्तम थापा, मित्रलाल पौडेल चयन भएका छन । कार्य समितिको थप दुई सदस्य कार्य समितिले मनोनित गर्ने बताईएको छ ।
जिल्ला अधिवेशनको एक समारोहकाबीच सुदूरपश्चिम प्रदेश साँसद उमादेवी बादीले उद्घाटन गरेकी थिईन । कार्यक्रमको प्रमुख अतिथि समेत रहेकी साँसद बादीले फोटोग्राफीले इतिहास बोल्ने बताईन ।
उद्घाटन समारोहमा विशिष्ट अतिथि जानकी गाउँपालिकाका अध्यक्ष प्रदिप चौधरी, अर्का विशिष्ट अतिथि टीकापुर नगरपालिकाका उपमेयर केशरी रावल बिष्ट, नेपाल पत्रकार महासंघ सुदूरपश्चिम प्रदेश ससितिका महासचिव योगेश रावल, नेपाल जेसीजका महासचिव टेकराज रेग्मी, नेपाल जेसीजका उपाध्यक्ष गणेश साउँद, सामुदायिक पुस्तकालयका अध्यक्ष लोकबहादुर खड्का, एशोसियसनका पूर्वअध्यक्ष केदार भण्डारी लगायतले बोलेका थिए ।
एशोसियसनका अध्यक्ष कुलराज चौधरीको अध्यक्षतमा भएको उद्घाटन समारोहमा अधिवेशन आयोजक उपसमितिका संयोजक टोप प्रकाश विकले स्वागत गरेका थिए ।
उद्घाटन समारोहमा कन्काई फोटो स्टुडियोका सञ्चालक मातृका नेपाल र विशाल फोटो स्टुडियोका सञ्चालक श्याम भट्टलाई सम्मान गरिएको छ ।
