डेंगुको प्रभाव बढ्दै, एकैदिन १६८ बिरामी थपिए
टीकापुर, साउन १०
देशभरमा १६८ जना डेंगुको नयाँ बिरामी थपिएको छन । इपिडिमियोलोजी तथा रोग नियन्त्रण महाशाखा (ईडीसीडी) का अनुसार चार दिन (जुलाई १८ देखि २२) को अवधिमा १६८ जनामा डेंगु सङ्क्रमण पुष्टि भएको हो ।
यससँगै देशभर १ हजार ८ सय २५ जनामा डेंगु सङ्क्रमण पुष्टि भएको छ । जुलाई १८ मा १ हजार ६ सय ५७ जना डेंगु बिरामी थिए ।
हालसम्म देशभर ७७ मध्ये ७३ जिल्लामा डेंगु सङ्क्रमण देखिएको छ । जुम्ला, हुम्ला, डोल्पा र मुस्ताङ गरी चार जिल्लामा डेंगु सङ्क्रमणबाट सुरक्षित रहेको ईडीसीडीले जनाएको छ ।
पश्चिम तराईका कैलाली र कञ्चनपुर जिल्ला समेत डेंगुको उच्च जोखिममा रहेका छन । खुला सिमा नाकाका कारण कुनै पनि बेला डेंगुले भयावह स्थिति ल्याउन सक्ने सम्भावना रहेको छ ।
प्रकाशित मिति: बिहीबार, साउन १०, २०८१ ११:५५
प्रतिक्रिया दिनुहोस्
साताको लोकप्रीय
-1725021605.jpeg)
