वडा कार्यालयद्वारा अनलाइन सेवा सुरु
टीकापुर, पुस ३
टीकापुर नगरपालिकाले वडा कार्यालय मार्फत अनलाइन सेवा सुरु गरेको छ । आज एक कार्यक्रमबीच वडा नं. ६ ले अनलाइन सेवा सुरु गरेको छ । यो सेवा नगरपालिकाका सबै वडा कार्यालयले सञ्चालनमा ल्याउने तयारी गरेका छन ।
अनलाइलन सेवा सुरु भएपछि हातले लेख्ने झण्झट अन्त्य भएको वडाध्यक्ष बलिराम डगौरा थारुले जानकारी दिए । उनका अनुसार सेवाग्राहीलाई दिने सबै ६४ प्रकारका सिफारिस अनलाइन मार्फत भरिने छन ।
अनलाइन सेवा सुरु भएपछि सेवाग्राहीको कामकाज छिटो हुने बताईएको छ । यसअघि सेवाग्राहीले सिफारिस लिनका लागि समेत धेरै समय खर्चिनु पथ्र्यो ।
प्राविधिक दिपेश बन्जाडेले कुनैपनि सेवाग्राहीको विवरण एक पटक अनलाइनमा भरिसकेपछि त्यसपछि विवरण भर्दा नागरिकता नम्बर भए पुग्ने बताए ।
प्रकाशित मिति: बिहीबार, पुस ३, २०७६ १६:१२
प्रतिक्रिया दिनुहोस्
थप समाचार
साताको लोकप्रीय
