कञ्चनपुर, असार २४
कञ्चनपुरको पुनर्वास नगरपालिकास्थित एक तालमा डुबेर दुई किशोरीको ज्यान गएको छ भने एक बेपत्ता भएकी छन । 

पुनर्वास नगरपालिका वडा नम्बर ५ स्थित रातोखोले तालमा डुबेर १५ वर्षीया लक्ष्मी बोगटी र १६ वर्षीया सृजना बोगटीको ज्यान गएको जिल्ला प्रहरी कार्यालय कञ्चनपुरका प्रहरी नायब उपरिक्षक उमेश जोशीले जानकारी दिएका छन । 

उनीहरुसँगै तालमा डुबेर बेपत्ता भएकी आरती बोगटी अझै फेला परेकी छैनन । उनको खोजीकार्य जारी रहेको प्रहरीले जनाएको छ । उनीहरु तीनैजना सोमबार दिउँसो तालमा पौडी खेल्न गएको बताईएको छ । 

१२ वर्षकी अञ्जली बोगटी पनि सँगै पौडी खेल्न गएको थिइन । तर उनी पौडी नखोलेरै फिर्ता आएको र उनले तीन जनालाई खोलाले बगाएको बताएपछि प्रहरीले उनीहरुको खोजी सुरु गरेको थियो ।