वीरेन्द्रनगर, असार २३
सुर्खेतको सिम्ता गाउँपालिकामा खोलाले बगाउँदा एक बालिका बेपत्ता भएकी छिन् । बेपत्ता हुनेमा सिम्ता ९ खान्मकी ९ वर्षीया मनिषा बादी रहेकी जिल्ला प्रहरी कार्यालय सुर्खेतले जनाएको छ । 

आज दिउँसो स्थानीय कुदाल खोलाले बगाउँदा उनी बेपत्ता भएकी हुन् । आलीबाट खान्मतर्फ जाँदै गर्दा उनलाई खोलाले बगाएको जिल्ला प्रहरी कार्यालय सुर्खेतका प्रवक्ता डीएसपी वीरेन्द्रवीर विश्वकर्माले बताए । प्रहरी र स्थानीयद्वारा उनको खोजी कार्य जारी रहेको उनले बताए ।